178 Tripura Kokborok Gospel Song Book I Tripura Rwachabmung Bwi I Kokborok Christian Religious Songs

                                         102.  KAITOR SWNGCHARNO HAMJAKMANI

Kaitor swngcharno hamjakmani bai,

# Kalbari kruso;

Nwng thwi rwmabai. -- 2

1. Borogni sumsok nakarjak kha,

Tabuk tongthok sidi;

# Swngcharni uansukma

Yakarwi phaidi. -- 2

2.

2.Takhuk bukhuk uansuk naidi,

Subraino khulum sidi; # Uansugwi nwng naidi,

Subraino lobdi. -- 2

- Sankar Debbarma

107. O JORA KAHAMOLE

Ojora kahamole

Bachaui phaisidi,

Nini bagwi jora kaham

Tabukno phai tongo. -- 2

 

1. Sumsokno yakarsidi,

Jisuni thani phaidi;

Ringhorwi tongo nono

Subrai Jisule tabuk. -- 2

 

2. Swngcharle uru-muru

Wngwi tongbaikha tabuk;

Uansugwi naidi nwngle

Subrai Jisuni kokno. -- 2

 

- Subol Debbarma

 

112. JISUNO KARWI KHAKCHANGYA

Jisuno karwi khakchangya,

Khao nwng uansugwi naidi -- 2

 

1.Subraile nono hamjagwi tongo,

Khao nwng uansugwi naidi;

Subraile nono ringma lengsukha

Khorang chirikma chaui. -- 2

 

2.Ringmano khnaui kiphil phaisidi,

Khao khagchangma mannai;

Subraini khorang bwswkkwtwima

Khunju kaichomwi khnadi. –2

Mothani samung

 

113. KAITORNI BWSAROK I  

Chw: Kaitorni bwsarok,

Brw: Bini samungno tangdi, -- 2

Baksa: Kaitorni bwsarok.

 

Chw: Bole chwngno naio, Brw:

Bini samungno tangnani. --2

 

Baksa: Phaidi chwngle palkhe,

Bini samungno tangnani. -- 2

 

Chw: Suri sanwi tongdi,

Brw: Kha kuphur khe tongnani. -- 2

Baksa: Lama mankha hwnkhe,

Tangya nwng tatongsidi. -- 2

 

Chw: Soikhe kwrak khe tongdi,

Brw: Yak thakya khe tangnani. -- 2

Baksa: Bini samungno tangkhe,

Yak bukhcha khlaijakglak. – 2

 

 

114. O TAKHUKROK, BUKHUKROK

O takhukrok, bukhukrok,

Phaibaidi kha kiphildi; -- 2

 

1.Swngcharni mol paina naikha,

Uansugwi norok naijasidi -- 2

2.Boro kwlai tong kha nwng saimanyade?

Jora tongsani uansug naisidi -- 2

 

3. Jisu sabo tamo nwng saimanyade?

Bono kubui tai Bono mwthangnai Subrai -- 2

 

- Manmohan Jamatia

 

118. BAKCHINI BAKSA KAITORNO RWDI  

Bakchini baksa Kaitorno rwdi -- 2

 

1.Kaitorno rwkhe chamwng tongnai,

Kaitorno rwkhe chamwng mannai -- 2

 

2.Bakchini baksa rwgoi bono paitokdi,

Bakchini baksa rwgoi bono hamjakdi --2

 

3.Bakchini baksa rwgoi bono rutukdi

Bakchini baksa rwgoi bono hadedi -- 2

 

4.Kaitorno rwkhe hamari mannai,

Kaitorni daio langmano mannai -- 2

 

- Khushi & Rev. Nahush

 

121. JISULE SAUI KLANGKHA

Jisule saui klangkha,

Angno kubui angno lama; -- 2

Angno mwthangnai.(2)

1.Khnadi khnadi khunju tongkheba,

Phaisidi phaisidi lam takorodi;

Oswngcharo lama kwbangma, (2) Phiya Jisu sao,

ang simise chukhani yapri lama (2)

2.Kalbari Krusni o thwi kwthar bai,

Swngcharni sumsokno suchaui klangkha;

Oswngcharno aswk hamjagwi, (2)

Nakarwi salangkha chukhao tongthai snamsoknai.(2)

 

122. CHINI APHA KAITORLAI CHUKHAO  

Chini Apha Kaitorlai chukhao tongo, Bo Bini hai chwno naio. -- 2

Bororogni mwtailai rangchak bai takjak, -- 2

Habai tagnai mwtairok kok samiya, -- 2

Mokol tongnai mwtairok mokol nukya -- 2

Ai khawi tagnairok bokbo ai ongnai -- 2

 

- Shrabon Tripura, 2010 A.D

Mothani samur

 

125. O MUKTRWI THANGJAK BOROGROK

Omuktrwi thangjak borogrok

Sichasidi thangwi bachadi,

Kaitorni pohor klainw nini saka

Uansugwi naidi bahaikhe tongnai norok. -- 2

 

Siyarok hai tatongsidi norok,

Sinairok haise tongsidi norok.-- 2

 

Lama mankhai tayakarsidi norok,

Emol hamya hayung chaya bisingo.-- 2

 

Kok: Khushi Tripura, 2010 A.D Khorang: Nirmal Tripura

128. O HANI BOROG KAITORNO HAMBAI  

 

1. Ohani borog Kaitorno hambai rodi,

Ohani borog Bini rwchabmwng rwchabdi.

 

2.Chini dayo Bini hamjakmwng kabang

Bini paitok thwiya kosongsa. – 2

 

3. Bono hambai Bono hambai,

Bono hambai Bono hambai. -- 2

 

129. KAITOR TONGTHOKMARWGO

Kaitor tongthokmarwgo

Chini bwkhao, chini daio

Tongthokma jotoni bwsak daio

1.Chwng hambai rwno Kaitorni kokno

Chini bwkha daio tongo

 

2.Kaitorni kokno jotono sao

Bini rwchabmungrwchabo

 

3.Joto khaino joto sano

Kaitorno hambai rwno

131. ANI LANGMALE KHUM BUBAR  

 

Ani langmale khum bubar haise,

Salsaya salsa kwmai thangnai; Molbrumle tongya. -- 2

 

1. Swngcharo ani kebo krwi,

Saichung phaimani angba;

Saichungno kiphilna nangnai, -- 2

 

2.Jolma jolsarok anile wngya,

Abohrok ani logio thangya,

Bebakno komornai mangse. -- 2

 

Subrai Jisuse ani khatungma,

Bonose naisingwi tongnai;

Bole ano tlangna phainai. -- 2

 

- Sushil Debbarma

  141. O SUBRAI JISU 

 

O Subrai Jisu -- 2

Nono bakha kabelei;

O Subrai Jisu Nono bakha kabelei -- 2

 

1.Chaya chokya basa rokno

Nini yago laphaidi,

Chaya chokya basano gam khalaidi

Uansogwi Nini mwngno -- 2

Bakha tekto nangbele -- 2

 

Lachini rwngliya nwng,

Kirini rwngliya nwng -- 2

Hani tektono manwi thangba,

Hani satokmano malangba,

Nini krussno hor bele.

O Subrai Jisu Nono bakha kabele.

 

142. CHUKHA SAKANI ONGKHORWI 

1.Chukha sakani ongkhorwi Bole

Chwngno mwthangnani phaika;

Borogni sumsokno sunani bagwi

Krus saka thwinani nangkha. -- 2

O... O .... Subrai,

A... a .... Halleluya,

Ani khao muitu mano. (2)

 

1. Busuni motokno khorogo thuprwi,

Krus buphang balnani nangkha;

Sakni thwi kwthar bai kasle klaiwi,

Sopreui balnani nangkha. -- 2

 

2. Borog bwskango thapra rwjagwi,

Saichung tongkhna nwngle;

Chaliya maino, nwngliya twino,

 

Tongkhna nwngle mogwi. -- 2

Kok: Atul Debbarma Khorang: Konika

Chini Apha Kaitor Chukhao Song

158. JISU BUGRAACHAI PHAIKA I 

 

Jisu Bugra achai phaika Bethlehem hao

Bethlehem hao Bethlehem hao.-- 2

 

1.Khakchangyarok khakchangma mannai,

Khajak borogrok yogwi mwsanai;

Phaibaidi chalairok Phaibaidi bayarok. -- 2

2.Mwnakni borogrok pohorno mannai

Khajak borogrok yogwi mwsanai;

Phaibaidi takhukrok

Phaibaidi bukhukrok. -- 2

 

3. Lengjak borogrok lenglama mannai

Khajak borogrok yogwi mwsanai;

Phaibaidi loblainai,

Phaibaidi khulumnai. -- 2

 

167. TWIRPRA KHA RORANG SIDI 

Nona mwihanana chaha

Kholohjak daarabuk phiyo jako

Kwtal Bugrane bhumils, ‘

Pahom phaidi tabul

Khristano khulumai’ -2

 

1. Chwngsajak chukha yakarwilisu,

Himba Bethlehem kami kotom,

Khorok berathai krwi, -2

Musuk nogse Bini bagwi,

Achaikha mwihangna hwnwi. -2

 

2. Chukhao Kaitorni chwngsacha,

Khakchangma o swngcharos

Suarirokni kwiwima khorang,

 

Nokha tai swngcharo pungkha,

Takjak swngchar abo khnani,

Khakchangwi khorok bomkha - 2

 

3. Sumsokni buduk naistema chamchi,

Ringwi khibi rwdi;

Lachima krima yakarwi phaidi,

Jisuno yapharwi rwdi,

Pohoro phaidi tabuk

Khristono khulumidi

 

168. PHAIBAIDI PHAIBAIDI 

Phaibaidi, phaibaidi; Naiphaidi, naiphaidi -- 2

Betlehemni musuk nogo achaikha Bugra Jisu -- 2

Chukha sakani phaiwi borog kosol wngwi,

Sajak kothoma tini nangphaika

Kubui Kaitor mang wngwi.

 

1. Hayungni o borogrok dowi phaibai sidi,

Immanuel achai phaika Norok yachak sidi -- 2

Langmani khum motomkha, Mwnak hayung merengkha,

Chukhani o suarirokbo Lobwi mwsa baikha.

2. Hayungni o sumgwnangrok

Norok poito khlaidi;

Kaitorni o Sajla bai norok phiyokjakdi;

Tongthokni o mol sokphaika,

Khajak borogrok phiyokjak kha.

Kubui Kaitorno manairokle,

Mokol phiyokjak kha.

 

170. KUSUBJAKROKNO KAITOR KHAIROKHA 

Kusubjakrokno Kaitor khairokha,

Yak khengwi phaisidi; -- 2

Jisule achaikha,

Chwngno khengwi phiyoknaisa,

Bono mwtnangnai Bugra.

 

1. Chwng muktwi klaiphruo,

Huwi rwnai Bono;

Khakchangma krwi phruo,

Khakchang rwnai Bono.

2. Og bukcha chwng tongphruo,

Chamung rwnai Bono;

Lengwi klai chwng tongphruo,

Yak sowi tlangnai Bono.

- Naphurai Jamatia

 

171. JISU NWNG E HAO PHAIKA 

Jisu nwng e hao phaika,

Chini borok sisai mankha;

Hambai rwgo nono,

 

Jisu Hambai rwgo nono.

Kathang Jisu hinoi bose jottono phunuka,

E-hani sumsokno tikhokni hinoi,

Bo e hao phaika. -- 2

 

Salka atani siwi manairok

Bono naiwi khulumka,

Phaidi jotto chwngbo naino

Kha tisawi khulumno.-- 2

 

Kok: Tapos K. Tripura Khorang: Surot Babu Tripura

 

173. KWCHANG BOYAR SIBCHAI PHAIKA 

Kwchang boyar sibchai phaika,

Hapharno mwchangwi;

Mwthangnai achaima bagwi,

Rwchablainai mwsalainai;

Tongthokma bara Jisu achaimani bagwi. -- 2

 

1. Elembakni kok tini nangkha,

Subrai Jisu achai phaika;

Swngchar mwnago pohor tubukha,

Mwthangnai Subrai Jisu. -- 2

 

2. Khulumlainai phaidi chwngbo,

Chini Bugra Subrai Jisuno;

Tongthokma bara khatungma bara,

Hambai Subrai Jisuno. – 2

 

176. NOKHA SAKA NUKJAK PHAIKA I 

 

Nokha saka nukjak phaika kwchwng aitorma,

Joto dopha bachasidi horle ai phaika;

Kaitorni Sajla borog wngwi hayungo achaikha,

Phaibai sidi yachaklainai chwng joto pal. -- 2

 

1.  Salkabaini elemirok athukirino rwktharka,

Musuk nogo Jisuno nukphaika,

Mur blengtwi yapharwi Jisuno khulumka, -- 2

Lobjakthung Immanuel. -- 2

2. Jisuse Kaitorni songdari sajla,

Bethlehem tauno Bo achai phaika,

Bonose yachagwi tongthogwi mwsanai, -- 2

Lobjakthung Immanuel. -- 2

 

- Manmohon Jamatia

 

178. CHWNGLE LOBWI RWCHABLAINAI

                              Bak:

Chwngle Lobwi Rwchablainai 

Tini Khrismasni salo, -- 2 

Chini Jisu achai phaika 

Bethlehemni musuk nogo, -- 2

                            1. Bw:

Suarirokbo khatungkhaja khe 

Kaitorni Sajlano hambai rwlaio,

                              Chw:

Ponditrok bo khatungkhaja khe 

Kaitorni a Sajlano hambai rwlaio,

 

 

177. KAITORNI HAMJAGMA JISU PHAIKA 

 

Kaitorni hamjagma Jisu phaika ehao

Mokol nukyano nurwkha 

Lama siyano sirwkha

Hambai chini Kaitor – 2

Kaitorni Sajla phaika e hao Horni pohor wngwi -- 2

 

-- Nipen Tripura, 2010 A.D